МИНИСТЕРОТ ПОПОВСКИ ПОВИКА ДА НЕ СЕ ПОЛИТИЗИРА СМРТТА НА МЛАДИОТ САЗДОВСКИ

//

Во случајот со младиот Никола Саздовски, чијшто живот за жал згасна прерано, јавноста е целосно и навремено информирана за активностите кои ги преземаа и сеуште ги преземаат сите владини надлежни институции.

Владата на Република Македонија е пример за транспарентност, отчетност и одговорност кон граѓаните. Не постојат информации или какви било податоци кои се прикриваат или не се достапни за медиумите и граѓаните на Република Македонија.

Министерството за внатрешни работи веднаш по несаканиот инцидент за настанот објави информација во дневниот билтен, а во наредните денови беа приведени и двајца од тројцата сторители.

Ги повикуваме сите државни институции да ја завршат постапката во однос на случајот транспарентно и со целосна посветеност во интерес на правдата.



Во исто време, Владата на Република Македонија упатува сочуство кон семејството на починатото момче. Воедно упатуваме апел до сите граѓани да се почитуваат различностите, да не се употребува говор на омраза кој директно ја поттикнува спиралата на омраза.

Крајно некоректно е трагичната смрт на Саздовски да се користи за политичко профитирање, се вели во соопштението од кабинетот на министерот Роберт Поповски.

Претходна статија

ПРЕМИЕРОТ ЗАЕВ И ВЛАДИНАТА ДЕЛЕГАЦИЈА ГО ЗАПОЧНАА УЧЕСТВОТО НА САМИТОТ ЕУ-ЗАПАДЕН БАЛКАН ВО ЛОНДОН: РАЗГОВОРИТЕ ЗА ЗАПАДЕН БАЛКАН СЕ РАЗГОВОРИ ЗА ИДНИНАТА НА ЕВРОПА

Следна статија

ПЕТАР КОЛЕВ: Г-ДИН ПОПОВСКИ СÉ УШТЕ ЛИ СТЕ МИНИСТЕР?!

Најново од Вести