Мора да се слушне автентичниот глас на вистината и МПО!

Facebook статус на Петар Колев

Во периодот од 30 август до 6 септември годинава заедно со тимот на БГНЕС поминавме многу плодна недела за нашата новинарска работа. За мене искуството беше двојно задоволувачко бидејќи како македонски Бугарин пораснав со расказите за легендата МПО.
Нашиот престој во САД беше проследен со клевети, интриги и напади од познати и непознати „добронамерници“. На непознат начин, за кој знаат само некои добро прикриени структури, во оваа непријатна кампања беа вовлечени и членови на раководството на МПО. Уверен сум дека ниту нашиот тим ниту раководството на МПО немаат никакви лоши чувства или намери еден кон друг. Но, кој е всушност загрижен поради присуството на бугарска медија на Конгресот на МПО?

Драги пријатели, очигледно е дека некои луѓе се вознемирија поради присуството на Информативната агенција БГНЕС на 101-от Конгрес на МПО. Станавме сведоци на безумни обвинувања и манипулации дека сме делегати, иако никој од тимот не тврдел такво нешто; се негираше фактот дека сме гости, дури и тоа дека воопшто сме биле таму.

Што е тоа што тие луѓе толку сакаат да го сокријат? Нашата екипа сними доброволни и апсолутно професионални интервјуа со авторитетни имиња од македонско-бугарската емиграција. Првото интервју на новоизбраниот претседател на МПО беше пред камерата на БГНЕС. Всушност, ова е единственото интервју на претседател на МПО за бугарските медиуми воопшто.

Водевме разговори и интервјуа со легенди на МПО и покрај сите саботажи и интриги, снимивме документи и архивски книги од историското минато на МПО, кои неспорно докажуваат дека оваа организација е создадена од македонски Бугари. Од кога на конгрес на оваа организација проблем станаа луѓето кои се Македонци, дефинирајќи се како македонски Бугари, а кои и денес се залагаат за историската вистина. Зошто овие луѓе ѝ пречат на една одредена група е прашање на кое има само еден логичен одговор. Како оваа група на луѓе, чудно поврзана со друга организација, како што е Обединетата македонска дијаспора – стара алатка на македонските структури и автор на сите антибугарски резолуции и провокации во САД, цела седмица се обидува да сокрие нешто од бугарските медиуми.

За жал, сето тоа стана повеќе од видливо-синхронизираните постапки на луѓето вклучени во ова и нивната јасна цел: никој да не е заинтересиран и да не сака да „копа“ во темата МПО.
Да, за жал, ова е практика повеќе од децении. Ниту македонските Бугари кои живеат во РСМ имаа присуство и комуникација со МПО, ниту бугарските медиуми и општество ги интересираше што се случува со МПО. Но, кој има корист од ова и чии интереси служат овие луѓе, секој може сам да си одговори. Инаку, нивната голема „болка“ е што МПО го смени сопствениот Статут во кој експлицитно пишува дека организацијата е создадена од македонски Бугари-имигранти во САД.

Ние го снимивме ова, истакнати имиња во организацијата, меѓу кои и самиот нов претседател, пред нашата камера изјавија дека оваа организација е создадена од македонски Бугари. Кој се плаши од филмот што агенцијата БГНЕС го подготвува за минатото, сегашноста и иднината на МПО е реторичко прашање.

Маските паѓаат, лагата се потешко издржува и незаинтересираноста на бугарското општество и медиуми на оваа тема се менува. Дали тоа им пречи на господата со нејасни позиции, потекло и голем број на зависности или ваквото однесување се должи на новите задачи што им се дадени? Останува да видиме.

Алатките на наследниците на УДБА, денес претворени во алатки на АНБ и ОМД и очигледно е дека тие се активирани до тој степен што агресијата останува единствениот одбранбен механизам за зачувување на лагата што сакаат да ја наметнат. Должен сум да истакнам дека јасно е дека предизвикот за зачувување на културно-историското наследство на македонските Бугари ќе ја доживее својата неизбежна конфронтација и на северноамериканскиот континент, но од друга страна, убеден сум дека ако лагата може да напредува во средината на постјугословенскиот комунизам, тешко дека ќе опстане во најразвиеното и најмодерното општество, како што е американското.

Како заклучок, би сакал да споделам дека членовите на целиот новоизбран Централен комитет на МПО не зборуваат бугарски, со исклучок на едно лице. Новиот претседател на МПО, д-р Метју Стефанов, исто така не зборува бугарски. Затоа, се прашувам кој е тој што селективно и манипулативно објавува информации со јасна цел да го заплетка МПО во непотребни противречности и несакани конфликти, особено со мене.

Следуваат ексклузивни извештаи, интервјуа и разговори за минатото, сегашноста и иднината на МПО. Тие ќе бидат објавени со видеа, за да ги види и слушне публиката во Македонија и Бугарија. Останете во тек за филмот кој го подготвуваме за славното и легендарно МПО.
Мора да се слушне автентичниот глас на вистината и МПО!