МВР: Лажни се дојавите за бомби
Македонското Министерство за внатрешни работи ја извести јавноста дека се направени сите потребни проверки во Градскиот трговски центар, „Ист гејт мол“, хотелот „Мериот“, Музејот на град Скопје, спомен-куќата „Мајка Тереза“, Транспортниот центар, ТЦ „Бисер“ и „Џевахир холдинг“ во врска со денешните пријави по добиените пораки на електронски адреса со закана за поставена експлозивна направа и утврдено е дека станува збор за лажни пријави“.
„Веднаш по добиените пријави, од полициски службеници се преземени соодветни мерки и активности, извршени се потребните проверки од тимови за антитерористички проверки и утврдено е дека станува збор за лажни пријави. Министерството за внатрешни работи продолжува со проверките во другите објекти за кои беше добиена пријава и по завршувањето на проверките соодветно ќе ја информираме јавноста“, се вели во соопштението од МВР.
