Над 1000 изведувачи од Бугарија и РС Македонија учествуваа заедно на фестивал во Банско
Над 1000 изведувачи од Бугарија и Македонија учествуваа на овогодишното издание на меѓународниот фестивал на уметностите „Утринска ѕвезда“. На сцената во Банско, пет дена мали и големи таленти од земјата и странство претставуваа свои театарски претстави и пиеси, фолклорно пеење и играње, балет, спортски и латино-американски танци, естрада и инструментални изведби.
Авторитетното жири, под претседателство на сопранот Росица Панајотова-Григорова, на десетици таленти им додели дипломи, пехари, медали и плакети за 1, 2, 3 место.
На 36-то издание на фестивалот на уметностите „Утринска ѕвезда“ што се одржа во Банско, престижното трето место во категоријата естрадно и популарно пеење го освои талентираната Александра Калчева. Михаела Бојаџиска, освои пофалница во категоријата естрадно и популарно пеење и сребрен медал во категоријата фолклорно пеење. Првото место им припадна на близначките Ивона и Ивана Малчови во категоријата фолклорно пеење – дует.
На доделувањето на наградите, заменик-градоначалничката Сашка В‘чкова му честиташе на организаторот Кирил Костадинов за вложените напори насочени кон развојот на талентите и вештините на децата во Бугарија. Таа на децата им посака успех и им порача да продолжат да ја развиваат нивната љубов кон уметноста и убавината.
Создаден во 2008 година, со прво меѓународно издание во 2010 година, Фестивалот на уметностите „Утринска ѕвезда“ го претвора градот во празник на уметноста и културата.
