„Засолниште во времето“ е меѓу најдобрите книги на 2022 година во рангирањето на „Гардијан“
Романот „Засолниште во времето“ на Георги Господинов е меѓу најдобрите книги на 2022 година во рангирањето на британскиот весник „Гардијан“.
Авторитетното издание го објавува својот избор на водечките книги на годината, издадени во Велика Британија и претставени во различни категории – белетристика, документарец, детска литература, научна фантастика и фантазија. Рангирањето е подготвено како дел од прегледот на културните настани во изминатата 2022 година.
„Засолниште во времето“ на Георги Господинов, во кој „клиника за минатото“ ги лекува пациентите со Алцхајмерова болест, духовито си поигрува со идеите за историјата и носталгијата за да ги истражи европскиот 20-ти век и сегашните конфузии“, пишува во изданието на „Гардијан“.
Изданието го претстави „Засолниште во времето“ во мај оваа година, кога книгата се појави на британскиот пазар, како „забавен и неверојатен роман за носталгијата“.
