Наградени младите уметници на фестивалот „Јас сум Бугарче“

Бугарската културна асоцијација „Т.А.Н.Г.Р.А.“ во Мадрид ги објави добитниците на групна изложба во шпанската престолнина, избрани на конкурсот за цртеж во рамките на 18-от Фестивал на Бугарите во светот „Јас сум Бугарче“, јавува БТА.

Наградени се деца од бугарски училишта и образовни центри во Унгарија, Чешка, Украина и Шпанија. Од Будимпешта се избрани Радослава Јурге и Гордон Андонов, а од училиштето „Д-р Петар Берон“ во Прага – Ана Иванјук, Дарија Ангелова, Филип Ристов, Викторија Иванјук, Стефан Димитров, Никол Цветанова, Викторија Ангелова, Никол Илијска и Симона Емилова.

Од Украина се наградени Валентина Деличебан, Ксенија Водиничар, Надежда Георгиева, Сузана Саказла, Михаил Иванов Половњук, Анелија Ромалијска и Катерина Турица, додека од Шпанија е избрана Викторија Цонкова.

Учесниците, поделени во четири возрасни групи до 18 години, твореа на теми поврзани со бугарските корени, јазикот, културниот идентитет и природата. Завршниот дел од фестивалот е планиран од 20 до 22 ноември во Будимпешта.

Фестивалот, основан во 2009 година, е наменет за бугарските деца и млади во странство и има цел да ги поттикне изучувањето на бугарскиот јазик и зачувувањето на традициите и културниот идентитет.