Нов европски транспортен коридор ќе минува низ Бугарија – од Александруполис до Одеса

Започна нов етап во развојот на Трансевропската транспортна мрежа, која ќе ја поврзе Грција со Украина преку Бугарија. Според грчкото Министерство за транспорт, мрежата ќе започнува од пристаништето Александруполис и ќе завршува во Одеса.

Проектот, кој ќе опфаќа патишта, железнички линии, пристаништа и аеродроми, ќе овозможи поефикасен транспорт на луѓе и стоки, подобар пристап до работни места и услуги, како и економски раст.

Транспортните министри на Грција и Бугарија веќе разговараа за изградбата, а проектот ќе биде финансиран од Европската унија. До 2030 година треба да биде завршена главната мрежа, која ќе ги поврзе најважните градови и транспортни јазли.

Во иницијативата, покрај Грција и Бугарија, се вклучуваат и Романија и Молдавија.