ОД 15 ЈУНИ МАКЕДОНЦИТЕ ЌЕ МОЖАТ ДА ПАТУВААТ ВО ГРЦИЈА
Македонија е меѓу 29-те држави од Европа и светот, за кои од 15 јуни ќе биде дозволено патување во Грција, според листата од Министерството за туризам на Грција, јавува МИА.
За влез во Грција нема да биде потребен тест, туку ќе се прават анализи по случаен избор.
На листата од Министерството за туризам на Грција се следните земји: Албанија, Австралија, Австрија, Македонија, Бугарија, Германија, Данска, Швајцарија, Естонија, Јапонија, Израел, Кина, Хрватска, Кипар, Латвија, Либан, Литванија, Малта, Црна Гора, Нов Зеланд, Норвешка, Јужна Кореа, Унгарија, Романија, Србија, Словачка, Словенија, Чешка и Финска.
