Одбележуваме 100 години од јуначката саможртва на легендарниот комита и војвода на ВМРО Харалампи Златанов- Шарен Ампо
На 16 октомври 1925 година, во кочанското село Дулица, Вардарска Македонија, по едно јуначко сражение со српската војска, активира бомба на само 27 години, за да не падне жив во рацете на Србите, легендарниот Харалампи Стојчев Златанов, кој останал во бугарската историја како Шарен Ампо. Еден од најголемите бугарски револуционери и народни херои. Војвода на ВМРО.
Харалампи Златанов, заедно со уште тројца комити — Димитар Медаров, Евтим Клепков и Димитар Иванов, биле опколени во селото Дулица, Кочанско, од повеќе од 1000 српски жандарми и војници. Борбата траела цел ден, при што српските сили користеле и артилерија. Клепков и Иванов загинале, а Харалампи Златанов умира, откако активирал бомба пред српската потерa. Ранетиот Димитар Медаров успеал да се спаси. Српските сили имале 22 загинати и 10 ранени.
Златанов е роден во бугарското кочанско село Дулица. Станал член на ВМРО. Накратко го наследил Стефан Давидов како војвода на Царевоселската околија на Скопскиот револуционерен округ, но како што пишува Иван Михајлов:
„Тој е исклучително храбар човек, но не доволно трпелив и тактичен за должноста војвода.“
Златанов станал еден од најпознатите атентатори на ВМРО. На 21 февруари 1923 година, Златанов го убил градоначалникот на Дупница, комунистот Коста Петров, кој работел против ВМРО. Братот на Харалампи, Иљо Златанов, исто така комита на ВМРО, загинал во борба со српските сили на 22 јули 1924 година.
Извор: Един Завет
