Перев: Бугарија ќе ги плати гревовите за неактивноста кон Македонија, омразата на Москва кон Софија е огромна

Процентот на граѓани, кои се согласуваат Бугарите да бидат внесени во Уставот и со тоа да се гарантираат нивните човекови и граѓански права е многу поголем од очекуваното во оваа сурова антибугарска кампања што се води во Македонија. Ова за БНР го изјави публицистот Владимир Перев, редовен колумнист на порталот Трибуна.

Отприлика 30-40 отсто од луѓето сметаат дека Бугарите треба да бидат впишани и да ги имаат истите права како и останатите, нагласи тој и додаде дека луѓето тоа го прифаќаат како нешто нормално што треба да се случи.

Но, политичарите, медиумите, институциите зборуваат со резерва за ова и зборуваат против Бугарите и Бугарија, повторувајќи ги старите тези. Станува збор за сурова антибугарска кампања“, изјави Перев во интервју за емисијата „Пред сите “на програма „Хоризонт“.

„Тоа мораше да се случи, треба да се доживее еден вид на катарза, сметката за незаинтересираноста на бугарската држава во однос на македонското прашање од 1934 година мора да се плати и ќе се плати. Бугарија ќе мора да плати за своите гревови за ставот, за неработењето во однос на Македонија, за незаинтересираноста кон Македонија, за тоа што во бугарските медиуми, институции, во документите на историскиот архив – секогаш се зборувало дека Македонија е бугарска земја, но тоа никогаш не било официјална политика. Молкот за тоа беше прифатен од македонската страна како одобрување за нејзиното неказнето антибугарско дејствување“.

Според него, на крајот на краиштата, двата народа не се оддалечиле, туку дури и се доближиле еден до друг. Сега повторно се запознаваме, обичните луѓе веќе ги препознаваат своите бугарски корени, минатото и историјата, смета тој.

„Мислам дека во овој момент притисокот да не се донесе одлука за Бугарите и тие да не се внесат во Уставот, е посилен од север и од исток, од Москва и Белград. Тие сакаат да го закочат процесот“, категоричен е Владимир Перев.

Според него, тоа се прави за да има нови причини за нови политички и воени судири на оваа територија. Тој нагласи дека од создавањето на Бугарија, Русија и Србија водат строга антибугарска политика:

„Омразата на Русија кон Бугарија е огромна. Таа се обидува да го подели бугарското племе на колку што може повеќе делови за да може полесно да ги води и манипулира. Сето тоа се промени во моментот кога беше потпишан договорот за соработка и кога историската комисија беше формирана.Од тој момент процесите се неповратни.Комисијата наследи проблем кој тешко се решава, но ќе се реши“.

Патот до пристапувањето на Северна Македонија во ЕУ е тежок и болен, забележува Перев и објаснува дека мнозинството политичари кои себеси се нарекуваат етнички Македонци не сакаат да влезат во ЕУ.

„Македонија сака да живее и да маневрира во просторот меѓу Русија и ЕУ. Албанците вчера направија чекор напред. Албанските министри и функционери во нивните институции поднесоа оставки под услов тие да бидат активирани кога парламентарното мнозинство ќе одлучи да го преземе првиот чекор – да ги внесе Бугарите во македонскиот устав ВМРО-ДПМНЕ не одговори ништо – бараат веднаш да се активираат оставките и веднаш да дојде до парламентарна криза и да се оди на избори, каде партијата очекува дека ќе победи. ВМРО-ДПМНЕ во последната година – нема друга идеја и предлог за иднината на Македонија, нивната единствена желба е да излезат на избори“.

Според Перев, никој не зборува за визија каква ќе биде политиката по изборите. Никој не сака да каже зошто потребни нови избори, смета тој.

Целото интервју со Владимир Перев за програмата Хоризонт на Бугарското национално радио слушнете го овде.