(Видео)„Мари, Маријко“-нов проект на групата 4ЕTNO
Групата 4ETNO, дел од музичкото здружение од Русе 4ETRI, го претстави својот нов сингл „Мари, Маријко“. Еклектичната интерпретација на изворната народна песна „Мари, Маријко“ привлекува внимание со динамичен звук, силен вокал, импресивен рап текст. Музиката е на 4ETNO, а текстот на Гоце Великов, кој стои зад обединувањето на овие млади музичари. Вака Гоце Великов ги претставува музичкото здружение 4ETRI и групата 4ETNO:
„Ова се луѓе со кои работиме заедно и со кои сè уште веруваме дека бугарскиот фолклор, и не само тој, може да се изменува на различни начини преку музиката и на тој начин да допре до се повеќе луѓе. Навистина сакаме да експериментираме и да бараме различни опции за звук. Бугарскиот фолклор е уникатен и може да се меша со различни стилови на музика, а ние се обидуваме да го правиме тоа – се надевам на интересен начин.”
