Петков од Брисел: По темата за РС Македонија се работи многу во МНР, пред да направиме било што, прашањето ќе помине низ парламентот

Не можам да потврдам поединечни покани или непоканети. Темата е во рацете на дипломатите, изјави премиерот Кирил Петков пред новинарите во Брисел.

Денеска БГНЕС објави напис во кој се вели дека бугарскиот претседател Румен Радев и премиерот Петков се очекува да добијат гаранции од претседателот на Франција Емануел Макрон дека РС Македонија ќе ги исполни бугарските барања за кревање на ветото за почеток на преговорите со ЕУ.

Се работи многу на ниво на МНР за да се види кои се сите можности за напредок на темата РС Македонија. Но, не можам ништо да потврдам, рече Петков.

Тој увери дека пред што било да се направи, што и да се договорат дипломатите, тоа ќе помине низ парламентот.

Петков е во белгиската престолнина на вонредниот состанок на Европскиот совет, кој го усвои шестиот пакет санкции против Русија.