ПОЧНУВА НОВАТА СЕЗОНА ВО ТУРСКИОТ ТЕАТАР
Со претставата „Крал Лир“ од Вилијам Шекспир, во режија на Диего де Бреа, денеска (17 септември) со почеток во 20 часот на сцената во Театар Комедија, Турскиот театар ќе ја започне новата театарска сезона …
Сценографијата и костимите во претставата се дело на Благој Мицевски. Улогите ги толкуваат: Џенап Самет, Осман Али, Несрин Таир, Ерман Шабан, Зубејде Али, Ебру Мусли.
Претставата „Крал Лир“ беше изведена на годинашното издание на Меѓународниот театарски фестивал „Војдан Чернодрински“ при што освои три награди, и тоа: награда за режија за Диего де Бреа, награда за млада актерка која ѝ беше врачена на Ебру Мусли за улогата на Корделија и специјална награда за современ актерски израз и иновативен пристап кон светската класика.
