ПОВЕЌЕ АМЕРИКАНЦИ ПОЧИНАЛЕ ОД КОРОНАВИРУСОТ ОТКОЛКУ ШТО БИЛЕ УБИЕНИ ВО ВОЈНАТА ВО ВИЕТНАМ

//

Бројот на починати Американци од пандемијата на коронавирусот денеска надмина 59.220 лица, со што се надминува бројот на убиени Американци за време на војната во Виетнам, а бројот на заразени со Ковид-19 во земјата надмина еден милион.

Официјално потврдениот број на заразени лица во САД е двојно зголемен во последните 18 дена и сега претставува една третина од сите случаи на заразени со Ковид-19 во целиот свет, покажуваат податоците што ги објави „Ројтерс“.

Се верува дека вистинскиот број на заразени е уште поголем бидејќи здравствените работници предупредуваат дека капацитетот за тестирање е недоволен поради недостиг на квалификувани луѓе и опрема.

Речиси 30 проценти од случаите се забележани во државата Њујорк, епицентарот на епидемијата во Соединетите Американски Држави, а потоа следуваат Њу Џерси, Масачусетс, Калифорнија и Пенсилванија.



Приближно 3 милиони луѓе се заразени во светот. Најмногу случаи на заболени од Ковид-19 има во САД по што следвуваат Италија, Шпанија и Франција.

Шпанија, Белгија, Швајцарија и Италија имаат највисоки стапки на зараза на жител, а Соединетите Американски Држави се на петтото место.

Извор: Макфакс

Претходна статија

СОСТОЈБА СО КОВИД-19 ВО СВЕТОТ ДО 10 ЧАСОТ

Следна статија

МАКЕДОНИЈА ЈА НАДМИНА И СЛОВЕНИЈА ВО БРОЈОТ НА ЗАРАЗЕНИ СО КОВИД -19

Најново од Вести