Повеќе од 500 велосипедисти од Бугарија ќе учествуваат во 14-та велосипедска тура околу планината Беласица
Повеќе од 500 велосипедисти од цела Бугарија ќе учествуваат во 14-та велосипедска тура околу планината Беласица, организирана од клубот BELA Extreme под мотото „Емоциите оставаат траги“, со поддршка од Општина Петрич, јавува Пиринско.
Учесниците ќе поминат рута долга 185 километри низ териториите на Бугарија, Грција и Северна Македонија, а највисоката точка на трасата е на 1.750 метри надморска височина. За безбедноста на велосипедистите се обезбедени пунктови за поддршка, придружни возила и медицински тим.
Заменик-градоначалникот на Петрич Кирил Танушев ги поздрави учесниците на стартот и им посака безбедно завршување на рутата.
Велосипедската тура околу Беласица се одржува од 2011 година, кога учествувале 39 велосипедисти.
