Радев: Гарантирањето на уставната рамноправност на Бугарите во РСМ ќе ги исполни заветите на Илинденците
Со генерации на овој плоштад се спојуваа патиштата на националното сеќавање на бугарската државност и духовност. Овде им оддаваме почит на бесмртните имиња и настани кои не обединуваат, рече претседателот на Бугарија Румен Радев, на централната прослава по повод Илинденско-Преображенското востание во Софиja.
Шефот на бугарската државата изјави дека Илинденско-Преображенското востание го надминало своето време, бидејќи резултатите од востанието надминале непосредните политички и воени цели во тој временски период.
„Тие ги надминаа границите на нивното време. Знаењето за борбата за правда и човечко достоинство ќе остане засекогаш“, нагласи тој.
Радев истакна дека денес Илинденско-Преображенското востание зазема значајно место во односите на Бугарија со Република Северна Македонија и дека зближувањето треба да биде засновано на историската вистина, додавајќи дека востанието го кренале камбаните на бугарските цркви.
Претседателот ги повика Бугарите да не забораваат дека светлите умови на ослободителното движење во Македонија и Одринска Тракија сонувале да ја претворат својата татковина во земја на еднаквост и правда.
„Затоа гаранциите за уставна еднаквост ќе ги исполни заветите на Илинденци од 1903 година за еднаквост и правда. Граѓаните и на Бугарија и на РСМ се поклонуваат пред овие завети и пред идеалите востанието“, изјави Радев.
Тој исто така нагласи дека на темелите на истите тие идеали е изградена современа и модерна Европа.
