Радост во медиумите, за “братската” љубов на СПЦ …

//

Facebook статус на Никица Корубин

МПЦ-ОА се врати во канонско единство со СПЦ. Така вели соопштението од соборот на СПЦ. Како бонус, вратена е автономијата од 1959. Автономија во состав на СПЦ. “Мајката црква” како што милуваат да ја нарекуваат кај нас. И тоа е направено, наводно, на барање на самата МПЦ-ОА. Ниту збор за одлуката на Вселенската Патријаршија. Вселенската Патријаршија не се ни споменува во самото соопштение. Наеднаш на “Мајката црква” и сопствениот легитимитет не и е битен, бидејќи деновиве ги слави 100-те години, од томосот издаден на Кралството, од истата Вселенска патријаршија, со која и нашата територија влегува под нивна јурисдикција. Веројатно во чест, на тој јубилеј е и денешната “автономија” и “канонското единство”.

Туку, во чекање на реакција на МПЦ-ОА, на власта и на нашата партократија, на сите загрижени бранители на идентитетот, да не заборавиме дека и покрај секуларниот карактер на државата, МПЦ е дел од правниот поредок на Северна Македонија. Како, тогаш точно да го сметаме ова “канонско единство”, да не кажам упад во независноста на државата, преку црквата, толку често употребувана алатка: како чин на помирување или чин на агресија?

Но, не се грижете, СПЦ нема да се води од “политиката” туку од канонскиот поредок. Дури ќе дозволи и “избор на името”, бидејќи името може за внатрешна употреба, ама територијата никако. Затоа и носи чисто “канонска” одлука, без споменување на сопствениот канонски легитимитет: одлуката на Вселенската Патријаршија.



И затоа “зачудува” радоста низ медиумите кои ја слават оваа вест, значително и очигледно повеќе и од одлуката на Вселенската Патријаршија. Ама, што е битна автокефалноста, кога имаме автономија, при СПЦ. “Македонска” за домашна употреба. Предавство? Никако, ова е само одлична илустрација што се подразбира под терминот “идентитет”. Има еден посебен “идентитет” на кој му е дозволено се’. И тој не е само црковен, црквата е само показна вежба. За вистинскиот однос кон нас.

Претходна статија

Македонистите од новиот македонско-бугарски клуб ги спуштија опорните точки пред медиумите

Следна статија

Хероите негатори на македонскиот идентитет или зошто Ванчо Михајлов никогаш нема да биде рехабилитиран во РС Македонија

Најново од Ваш став