РАХИЌ НЕГИРА НАПАД ВРЗ БОКИ 13- ГО ГЛЕДАЛЕ КАКО БЕБЕ ВО ШУТКА
Директорот на истражниот затвор во Шуто Оризари, Есад Рахиќ вели дека немало никаков напад врз Бојан Јовановски од страна на вработените во затворот.
„До мене стигна само информација дека утрово бил малку нервозен и не сакал да му се стават лисици кога требало да биде спроведен во судот, веројатно тоа е причината што така изјавил“, вели Рахиќ за „Република“.
Директорот на затворот додава дека во последните седум месеци го чувале како мало бебе и дека нема шанса некој од таму да му направил нешто.
Јовановски пред почетокот на денешното судење за „Рекет“ на самиот влез од судницата им се пожали на новинарите дека бил нападнат.
