Рибери – Баерн, разделбата никогаш поблиску

//

Спортскиот директор на Баерн Минхен, Хасан Салихамиџиќ на вчерашната конференција изненади многумина со одговорот на прашањето за иднината на Франк Рибери.

Да потсетиме, новинарите го запрашаа Салихамиџиќ за иднината на Рибери во клубот, а тој кратко одговори.

„За тоа не сакам да зборувам, може ли друго прашање?“, одговори Салихамиџиќ.

Нешто подоцна за медиумите зборуваше и Рибери кој во разговорот призна дека не знае каква е неговата иднина во клубот.

Рибери дресот на германскиот шампион го носи од 2007 година, а актуелниот договор со Баерн му истекува на крајот на оваа сезона.



„Не знам, знам исто колку и вие. Никогаш не знаете што носи утрешниот ден“, изјави Рибери, а потоа пордолжи да зборува за тимот.

„Добро е промената на тренерот добро ни дојде. Добра работа е што имаме предност на табелата, но се уште ништо не сме освоиле. Мораме со полна пареа да го одиграме и вториот дел од сезоната“, заврши Французинот.

Извор: Спортски

Претходна статија

Трамп: Не очекувам војна

Следна статија

17 мртви, 13 исчезнати во Калифорнија

Најново од Вести