САД изградија центар за сајбер одбрана во Софија за 12 милиони долари
Соединетите Американски Држави ја финансираа изградбата на Центарот за управување и сајбер одбрана, кој официјално беше отворен во вчера во Софија, соопшти прес-центарот на американската амбасада во Бугарија.
На свеченоста учествуваа министерот за одбрана Тодор Тагарев и заменик амбасадорот на САД во Бугарија Андрија Брулет-Родригез.
Проектот вреден 12 милиони долари е финансиран преку програмата за надворешно воено финансирање (FMF) на Стејт департментот на САД и се имплементира преку програмата за надворешни воени продажби на Министерството за одбрана на САД.
Центарот ќе спроведува обука и операции за сајбер одбрана, „обезбедувајќи напредна обука за бугарскиот воен персонал, подобрувајќи ги вештините и знаењата потребни за одвраќање, откривање и одбрана од сајбер напади“, соопшти амбасадата.
Во текот на изминатите пет години, Соединетите Држави ѝ дадоа на Бугарија повеќе од 238 милиони американски долари безбедносна помош за подобрување на воената професионализација, модернизација, капацитетите на човечките ресурси, сајбер безбедноста, поморскиот надзор, со цел осогласување со стандардите на НАТО.
Покрај тоа, од 2017 до 2022 година, Министерството одвои повеќе од 58 милиони долари како дел од програмата ФМФ за подобрување на военото разузнавање, безбедните комуникации и одбранбените сајбер вештини на Бугарија.
Висок советник за сајбер безбедност на Министерството за одбрана, финансиран од Стејт департментот, ги надополнува тие напори помагајќи во развојот на сајбер стратегија, политика и доктрина, додаваат од амбасадата.
Отворањето на Центарот за сајбер одбрана и команда претставува важна пресвртница во тековното американско партнерство со Бугарија, соопшти амбасадата.
Овој центар и придружната програма за поддршка ќе им обезбедат на студентите практично и техничко знаење неопходно за спроведување на ефективни операции за сајбер безбедност, интегрирајќи нови техники и технологии со тековните процедури за сајбер безбедност на бугарското Министерство за одбрана.
Соединетите Држави се горди што ја поддржуваат Бугарија во нејзините напори за подобрување на нејзините капацитети за сајбер одбрана и со нетрпение очекуваат да продолжи соработката во оваа исклучително важна област, соопшти уште прес-службата на Амбасадата на САД.
