Софија – еден поинаков поглед

Гергана Дојчинова од фондацијата „Ела и ти“ раскажува за необичен туристички водич. Интерактивниот водич за главниот град – „Мојата Софија – еден поинаков поглед“ е создаден од луѓе со попреченост во развојот, во кој културните атракции ги прикажуваат на свој начин – како приказна, фотографија, цртеж, скулптура итн.

Според Гергана луѓето со посебни потреби имаат исклучително ограничено учество во културниот живот – како творци и иницијатори. Обично тие се пасивна публика, но овој пат работите се сменија и овие луѓе не водат низ софиските улици и ни раскажуваат за сите овие места кои вреди да се видат.

„Многу е тешко да се направат знаменитости достапни за секого, бидејќи постојат закони кои не дозволуваат да се прават промени и големи реконструкции на историски знаменитости и споменици на културата. Но затоа велам дека нема ништо лошо во тоа што овие локалитети не се достапни, бидејќи тоа е добар повод лицата со попреченост да ги посетат во друштво на своите пријатели кои не се со попреченост и на тој начин да создадат нешто заедно“, вели Гергана Дојчинова. Дополнително, покрај работата во фондацијата „Ела и ти“, таа има големо искуство токму во ова – луѓе што постигнуваат нешто заедно, волонтери и луѓе со специфични потреби поминуваат повеќе време во планина.

Во текот на изминатите шест години, стотици волонтери беа вклучени во проектите на Фондацијата „Ела и ти“ и да однесат повеќе од 100 лица со посебни потреби на убави, но тешко достапни места како што е Црн врв на Витоша, пештерите Саева Дупка, Проходна, Бачо Киро или обележјето Караџов камен во Родопите.

„Она на што се фокусираме во целата наша работа како основа е односот човек-човек“, вели Гергана Дојчинова.