Софија ќе добие споменик на поранешниот градоначалник инж. Иван Иванов
Главниот град на Бугарија, Софија, ќе добие споменик посветен на поранешниот градоначалник, инженер Иван Иванов. Одлуката е донесена на 5 ноември на седница на Советот на Општина Софија, јавува 24 часа.
„Оваа сага трае 15 години и се надевам дека оваа или следната година конечно ќе заврши со поставувањето на споменикот на инженер Иван Иванов. За првпат гледам предлог поднесен заеднички од повеќе од 20 општински советници и градоначалникот на Софија“, изјави потпретседателот на Советот на Општина Софија од „Сина Софија“, проф. д-р Вили Лилков, коментирајќи ја одлуката.
Споменикот ќе биде поставен во близина на метро-станицата кај Националниот стадион во Софија.
Локацијата е избрана поради нејзиното историско значење, бидејќи токму на тоа место, пред 100 години, во април 1926 година, за првпат потекла вода од Рилскиот водовод.
