Сончево и релативно топло време, со температури до 19 степени
Времето денеска ќе биде сончево и релативно топло. Утрото постудено, преку денот сончево со слаб ветер од променлив правец. Минималната температура ќе биде во интервал од -5 до 1, а максималната ќе достигне од 14 до 19 степени.
Во Скопје сончево и претежно тивко. Минималната температура ќе се спушти до -2, а максималната ќе достигне 18 степени.
Утре ќе се задржи стабилно време со понатамошен пораст на дневната температура. Зголемување на облачноста со локални врнежи од дожд ќе има во вторник попладне и во текот на ноќта кон среда.
