Спомен од кралот на фудбалот: Кој е Бугаринот кој поседува уникатен автограм од Пеле?  

Се испостави дека Бугарин е сопственик на уникатен автограм од кралот на фудбалот Пеле. Потписот на легендарниот Бразилец е еден од двата што постојат во светот. Автограмот е на специјален поштенски плик и марка посветени на Пеле.

Иван Панајотов е еден од туристичките водичи на Људмила Живкова, но и еден од првите кои скокнаа против комунизмот. Беше заменик градоначалник на Велико Трново од областа на културата и познат по својата страст кон филателијата – собирање поштенски марки. Иван Панајотов – Џовани со страст раскажува приказни од минатото, а една од неговите омилени е како добива уникатен автограм од кралот на фудбалот – Пеле.

„На пликот на Пеле пишува – Арантес Донасименто – Пеле. Неговиот потпис, со своја рака. Тој си го напишал вистинското име и прекарот – Пеле“, вели Иван Панајотов.

Во 1969-та година филателијата е глобално хоби кое поврзува стотици луѓе ширум светот. Податоците и адресата на Иван Панајотов се во списание за колекционери.

„Еден ден ми се јави колега од Бразил. Бараше бугарски марки. Ми ги опиша и му ги испратив. И тој ми праќаше. Еден ден доставувачот ми донесе еден плик. Внатре имаше поштенски марки и плик за првиот ден. Напишано беше следново: „Ти праќам плик со илјадитиот гол на Пеле и негов автограм. Кога неговиот тим „Сантос“ играше против мојот тим „Манаос“, тешко стигнав до Кралот и го замолив да ми напише два плика. Му кажав дека едниот е за мене, а другиот за мој пријател од Бугарија. И тој се согласи. И еве, ти го испраќам“. Тогаш Пеле беше на врвот – одличен стрелец и ми беше мило што имам нешто од него и тој плик остана и јас си го чувам. Јас не сум колекционер. Само го чувам како сувенир“. 

Три исклучително вредни работи во сувенирот за Иван Панајотов се собрани на едно место.
„Кога ќе излезат поштенските марки, тие излегуваат со специјален плик за настанот со печат. И еве ги трите работи“, тврди Иван Панајотов.

Ваквите филателистички сувенири од значајни настани се исклучителна реткост. Велико Трново го има најважниот од нив за Бугарија. Денови по смртта на Пеле, автограмот од кралот на фудбалот стана уште повреден и баран од луѓе кои разбрале дека во Бугарија има таква вредност. 

Само ме прашаа дали го продавам за да ми понудат некоја сума, а јас им реков дека не го продавам“, истакна Иван Панајотов.

Како што се испостави, има само уште еден таков уникат во Бразил, кај пријателот на Иван Панајотов кој собира поштенски марки, но жителот на Велико Трново одамна изгубил контакт со човекот кој побарал од Пеле да потпише плик и марка посветени на голот број 1000, постигнат во 1969 година од Кралот на фудбалот.