Стоилковски: Додека Спасовски осум години е прв човек на полицијата, се случија стотина нерасветлени убиства
Додека Спасовски осум години е прв човек на полицијата, се случија стотина нерасветлени убиства. Што друго да се случи за Спасовски да си даде оставка, посочи Наум Стоилковски, портпарол на ВМРО-ДПМНЕ, одговарајќи на прашањето дали двојното убиство во скопската Чаршија има политичка конотација и каква е поврзаноста со крилата на криминалнизираните ДУИ и СДС.
Според Стоилковски, се вратија деведесеттите, со Ковачевски како премиер, Груби како вицепремиер и Спасовски прв човек на полицијата се случуваат убиства во градовите, се делат пасоши на криминалци, а наркотрафикантите седат до првите лица на Владата.
„Нема леб, скапи бензини, инфлација и многу убиства. Тоа е владеењето на Груби, Ковачевски и Спасовски“, рече Стоилковски.
