ТРАЈКОВСКИ БАРАЛ ПОКАНА ВО СУД

Ексградоначалникот Тони Трајковски, кој е обвинет во случајот ТНТ, денеска, при редовното пријавување во судот побарал да му се достави покана за ново рочиште и таа не му била доставена од страна на судот, тврди неговиот адвокат Јовица Страшевски.

Потоа Трајковски испратил и писмено известување до судот, во кое се пожалил дека не е уредно поканет за утрешното рочиште.

„Со овој поднесок ве информирам дека на 14.1.2020 година при потпишување во евиденцијата во судот побарав од службите да ми достават покана за следно рочиште. Бидејќи не ми доставија покана, сакам да ве информирам дека уредно не сум поканет за следното судско рочиште“, се наведува во поднесокот на Трајковски до судот.

Извор: Макфакс