ТУРЦИЈА ЈА ПОТВРДИ ЕФИКАСНОСТА НА КИНЕСКАТА ВАКЦИНА ОД 91,25 ПРОЦЕНТИ

Вакцината против Kовид-19 што ја разви кинески „Синовак биотек“, „коронавак“, е ефикасна 91,25 проценти, а стапката најверојатно ќе се зголеми врз основа на податоците од студијата во доцната фаза, соопштија турските научници.

loading...

Турција со тоа стана втора земја што даде резултати за кинескиот кандидат, пренесува „Ројтерс“.

Истражувачите, дел од владиниот научен совет, рекоа дека не биле откриени поголеми симптоми за време на студијата за „коронавак“ во Турција, освен за една личност која имала алергиска реакција.

Турција има договор за набавка на 50 милиони дози на „коронавак“ од „Синовак“ до 11 декември, но испораката е одложена.


loading...

Министерот за здравство Фахретин Коча рече дека вакцините ќе пристигнат во Турција во понеделник, додавајќи дека Турција ќе вакцинира околу девет милиони луѓе во првата група, почнувајќи од здравствените работници.

Извор: Макфакс