УЈП САКА ДА ЗНАЕ КАКОВ ВИБРАТОР КОРИСТАМ

//

Владата реши да го менува Законот за банки со што УЈП ќе добие слободен пристап до документите, трансакциите и депозитите на граѓаните во секое време.

Човек веќе да не може да се реши што е понебулозно: УЈП да ти ги чешла сметките или изговорот зошто тоа ќе го прават – за полесно да ги изготвувале годишните даночни пријави за наредната година. Ако ова не ве плаши и ако случајно мислите дека ќе видите раат од пополнувањето на астрономската пријава секој март – страшно се лажете. Сега не само што можат да ни „стегнат“ поголеми даноци, туку преку УЈП кој сака, кога сака, колку сака и за што и да му ќефне може да ви влезе јуначки во сметките. И тоа не само колку пари, од кого и кога ви легнале на сметка, туки и од каде и каков вибратор сте си купиле. Сега ќе треба да пазам да пазарам само квалитетни и скапи брендови, оти што ќе речат комшиите ако истече инфо за некоја багатела на попуст од „Валијант“. Брука!

А сите бевме во филм дека се бориме против моќна централна власт. Оваа лупа е пострашна отколку некој дома да ви постави камерче и да снима каков пинџур ви е по мерак во сабота.



Но Македонската асоцијација на банки остро се спротивставува на предложените измени. Сметаат дека со нив директно се навлегува во приватноста на граѓаните и заштита на личните податоци и се губи значењето на правниот термин банкарска тајна. Тогаш зошто оваа паника? Па нели и до сега се се знаеше? Е да, ама сега има и официјален штембиљ. Сега секој оперативец од УЈП седнат со пајташите во меанче и цврцнат од по две-три ќе држи главна реч на маса за тоа што читнал кај некого во китапот и „онаа кај била“. Секој од нас има едно такво пријателче или комшиче што може „ај ѕирни брат житот се“ да го спроведе во пракса. А си го знаеме менталитетот, за жал.

Златен кеш…

Претходна статија

ЗОРАН БОЖИНОВСКИ МУ „ОТКАЖА ЉУБОВ“ НА ЗОРАН ЗАЕВ

Следна статија

НОВ ЗДРАВ ПРОИЗВОД ЗА ЉУБИТЕЛИТЕ НА СУВОМЕСНАТО

Најново од Ваш став

Игра на ниски страсти

Fb статус на Никица Корубин Дека политиката е врвна вештина која бара многу знаење, искуство, традиција

Целосна независност

Facebook статус на Никица Корубин Независноста е комплетна кога си свесен за неа. И за нејзиното