ВАСИЛ ГАРВАНЛИЕВ ПО НИЗАТА ОБВИНУВАЊА: ТОА БЕШЕ ОРГАНИЗИРАН КРИМИНАЛЕН НАПАД

//

Во интервју за порталот „Eurovisionworld“ овогодинешниот претставник на Македонија, Васил Гарванлиев, зборува за тоа колку бил разочаран по откажување на Евросонг 2020 година, па повторната понуда од МРТВ оваа година да настапи на музичката манифестација, ја прифатил со големо задоволство, пренесува Слободен печат.

„Бев скршен и разочаран затоа што поради ковид-19 се откажа настанот и си реков „ конечно добив шанса да си го исполнам најголемиот сон, но животот имал поинаков план“, вели тој, откривајќи дека во текот на пандемијата продолжил да работи посветено и фокусирано.

„Кога беше откажана манифестацијата, еден дел од мене како да престана да дише, сè додека не го добив повикот од МРТВ во кој ми кажаа дека повторно ме избрале за македонски претставник на годинешната Евровизија. Вредеше да се чека осум месеци“, открива Васил.

Но, она што не го очекувал беа настаните кои започнаа веднаш по објавувањето на видео-спотот за евровизиската нумера „Here I Stand“.

Имено прво се појави тврдење дека во спотот се појавува бугарското знаме, а подоцна излезе и видео во кое Васил потврди дека има и Бугарско државјанство, кое го добил по баба му, која потекнува од таа држава. Во меѓувреме се потпишуваа петиции за да се откаже учеството на Македонија на настанот или да се замени Васил со друг претставник.



„Тоа беше организиран кримнален напад на мене и над него никој немаше контрола. Нештата беа извадени од контекст и лажни информации се ширеа што доведе до негативен одговор и сајбер-насилство дури и јавен линч кон мене. Не сакам тоа да му се случи на никого, но гледам светло на крајот од тунелот. Многу сум благодарен бидејќи сето тоа што се случи ѝ даде уште подлабоко значење на мојата песна и ме инспирираше да бидам уште поуспешен во презентацијата“, вели Гарванлиев.

„Ова ме направи посилен како човек, а како уметник ми даде поголема одговорност да бидам глас на безгласните, особено за артистите ширум светот кои немаат уметничка слобода за себе. Ќе ја замолкнеме омразата со љубов, позитивна енергија и музика“, заклучи Васил.

Претходна статија

МАКЕДОНСКАТА НАДЕЖ ПО БУГАРСКИТЕ ИЗБОРИ (ДЕЛ 2)

Следна статија

ПРИВЕДЕН ДРАГИ РАШКОВСКИ, ОБВИНИТЕЛСТВОТО БАРА ПРИТВОР

Најново од Вести