Вечерва во историската област „Петрова нива“ во Бугарија ќе биде одбележано објавувањето на Илинденско-Преображенското востание во Одринско

Вечерва со почеток од 20:30 часот во историската област „Петрова нива“ во Бугарија ќе се одржи свечена церемонија по повод 121-та годишнина од објавувањето на Илинденско-Преображенското востание во Одринско. На настанот се очекува да присуствуваат илјадници локални Бугари и потомци на бежанците од Одринска Тракија од цела Бугарија, јавува БНР. Настанот се одржува под почесно покровителство на претседателот Румен Радев. На комеморативната церемонија говор ќе одржи потпретседателката Илијана Јотова.

„Во одбележувањето ќе се вклучат десетици тракиски друштва од целата земја. Програмата вклучува изложба на старо оружје, туристичко планинарење, натпревар во играње ора меѓу фолклорни клубови и сл“, вели градоначалникот на Малко Трново, Илијан Јанчев.

„Програмата е доста разновидна, започнува со изложба на значајни годишнини од тракиското движење. Планиран е туристички марш од Петрова Нива до селото Стоилово во областа Свети Илија, каде што има споменик, во август 1903 година, на ова место е даден сигналот за почеток на Илинденско-Преображенското востание.

Потпретседателката Илијана Јотова ќе присуствува на панихидата во спомен на загинатите херои. Во храм-костурница ќе служи митрополитот Арсениј Сливенски. Кулминација на одбележувањето ќе се одржи пред споменикот на загинатите во востанието. Поради опасноста од пожари, годинава не е предвидена почесна стрелба по повод одбележувањето на годишнината на востанието.