Претседателот на Граѓанско Демократската Унија, Петар Колев, во интервју за битолската телевизија Тера истакна дека за да стане Македонија навистина република, е потребна промена на политичкиот систем.
Според Колев во Македонија ништо не зависи од пратениците туку, 2-3 феудалци-лидери коишто седнуваат на една маса и се договараат кој да оди во притвор, кој да оди во затвор и кој каква функција да добие.
„Македонија е роб на 2-3 партии, коишто под некаква форма се изградени до таков систем, што ја држат во заложништво целата земја“, вели Петар Колев.
