Во Борисовата градина во Софија ќе биде поставена цела бронзена фигура на цар Борис III. Споменикот ќе биде висок 2,60 м и ќе биде на карпа со висина од околу 1,40 м. На постаментот ќе биде испишано „Цар Борис III Обединител (1894-1943)“ Автор на споменикот е скулпторот Теодор Бонев, а идејата е на Фондацијата „Достојни Бугари“.
Предлогот е одобрен од две општински комисии – за архитектура и за заштита на животната средина. Пред тоа, проектот доби поддршка од Стручниот уметнички совет на општина Софија.
На избраното место на влезот во паркот од Орлов Мост сега има барелеф на цар Борис III, кој ќе биде преместен во паркот Врана. Синот на цар Борис III Симеон Саксобурготски се согласил да барелефот да биде преместен до гробот на монархот.
Поставувањето на новиот споменик најверојатно ќе биде при планираното за годинава реновирање на репрезентативниот дел од Борисовата градина во вредност од над 10 милиони лева.
