Во Бугарија почнува заедничка воздухопловна воена обука со сојузнички земји
На 28 септември започнува заедничката воздухопловна обука „Европски курс за усовршување на тактичката подготовка на воено-транспортната авијација 2026-3“ (ETAP-C 26-3) што се одржува во Бугарија. Обуката ќе трае до 8 октомври, јавува бугарското Министерство за одбрана.
Во обуката ќе учествуваат припадници и техника од воздухопловните сили на сојузнички држави, Европскиот центар за тактички воздушен транспорт и Европската команда за воздушен транспорт.
Планираните летови ќе се изведуваат од аеродромот во Пловдив, а задачите ќе се реализираат во привремено резервирани делови од бугарскиот воздушен простор, во реоните на Пловдив, воздухопловните бази Безмер и Долна Митрополија, како и над делови од централна и јужна Бугарија.
