Во Јамбол започна Театарскиот фестивал „Невена Коканова“

Во Јамбол започна Театарскиот фестивал „Невена Коканова“, посветен на првата дама на бугарското кино, убавата и вонсериска актерка Невена Коканова. Во шест последователни вечери публиката во Јамбол ќе има можност да види дел од најдобрите и најинтересните претстави претставени на театарските сцени во Бугарија.

Годишниот театарски фестивал се одржува по 26-ти пат во Јамбол, а првата претстава што публиката може да ја види вечерва е „Кафез со пеперутки“ на Драмскиот театар Варна Крими-романтична комедија со неочекуван крај „Убиство без убиство“ во Театар 199 ќе биде претставена во вторник. Среда и четврток се резервирани за Драмскиот театар во Габрово со продукцијата „Свекрва“ и за театарот во Бургас со претставата „Многу едноставна приказна“. Претпоследната вечер е за театарот „Вазраждане“ и „Ало, ало“. Претставата со која ќе се затвори програмата е „Мизантроп“ на театарот на Бугарската армија.

Сите претстави започнуваат во 19 часот, а билетите може да се купат не само на билетарницата на театарот во Јамбол, туку и по електронски пат.

Невена Коканова е една од најпознатите бугарски актерки. Родена е на 12 декември 1938 г. во Дупница. Нејзиниот татко бил офицер од бугарската царска армија, а мајка ѝ е потомка на австриски аристократски род.

Дебитира на театарската сцена на 18 години во Јамболскиот државен театар. Нејзини најпознати улоги на филмското платно се: Ирина во „Тутун“, Жана во „Инспекторот и ноќта“, Лиза во „Крадецот на праски“, Ана во „Камбол“, Тинка во „Момчето си заминува“ и др.

Била дел од трупите на театрите во Јамбол, Габрово, Русе и Сатиричниот театар „Алеко Константинов“ во Софија.

Нејзин сопруг бил познатиот бугарски режисер Љубомир Шарланџиев.

Театрите во Дупница и Јамбол го носат нејзиното име.