Во Созопол започна Фестивалот на уметностите „Аполонија“ 2023 г.
Богат избор на настани од областа на сите уметности ќе претстави 39-тото издание на фестивалот „Аполонија“ во бугарскиот град Созопол.
Фестивалот на уметностите „Аполонија“ ќе се одржи од 28 август до 5 септември.
Отворањето се случи синоќа со гала концерт на Музичкиот театар „Стефан Македонски“ во Амфитеатарот на Созопол. Беа претставени дела на композиторите Калман, Јохан Штраус (син), Лехар и други.
Во рамките на првиот ден на фестивалот можеа да се видат изложбите: „Жените и меѓународното триенале на сценскиот плакат“, „Враќањето. Срамежлива интимност“ на Лоте Михаилова, како и изложба на дипломирани студенти од Националната академија за ликовна уметност.
Меѓу изведувачите се супергрупата „Фондацијата“, легендарните рок групи „Сигнал“ и БТР, естрадните уметници Марија Илиева, Михаела Маринова, џез-триото на Васил Спасов и многу други.
Раководител на мастер класот по креативно пишување е Георги Господинов, а мастер класот по виолина го води светски познатиот виолинист и музички учител Минчо Минчев.
Љубителите на бугарската кинематографија можат да ги погледнат документарните филмови „Моралот е доброто“ во режија на Веселин Диманов и „Ваклуш“ во режија на Николај Василев, како и играните филмови „Шекспир како улично куче“ на режисерот Валери Јорданов, „Анна“ на Боримир Илков. и други.
На програмата се продукции на Народниот театар „Иван Вазов“, Театарската работилница „Сфумато“, Сатиричниот театар „Алеко Константинов“ и други.
На 2 септември во Созопол е планирана средба со нобеловката за литература Светлана Алексиевич.
