XIV издание на фестивалот „Балканска черга“ ќе се одржи од 18 до 20 септември во ќустендилското село Шишковци

Четиринаесеттото издание на меѓународниот фестивал „Балканска черга“ ќе се одржи од 18 до 20 септември во селото Шишковци, во близина на Ќустендил, со учесници и гости од Бугарија, Северна Македонија и Србија, јавува Пиринско.

Тридневната програма ќе понуди фолклор, традиционална храна, занаети, музика и спортски игри. На 19 септември централно место ќе има кулинарската манифестација „Зелникот на мајсторот“, на која гости од Пробиштип ќе покажат како се подготвува зелник, а учесничка од Босилеград ќе претстави босилеградска варијанта на истиот специјалитет.

Во музичкиот дел ќе настапат Ива и Велислава Костадинови, Иво Барбутски, Димана Крумова, Љубен Дишљанов и Радостина Пањова. Предвидени се и натпревар за домашна ракија, детски работилници, стрелаштво, влечење јаже и туркање со раце.

„Балканска черга 2026 повторно ќе покаже колку заеднички традиции, вкусови и фолклор ги поврзуваат луѓето од Балканот“, изјави организаторот Борислав Крумов од здружението „Роден крај“.

Организатори се здружението „Роден крај“, месната заедница Шишковци и Општина Ќустендил.