За прв пат на Црногорскиот собор беа осветени знамињата на шесте општини во околината на градот Перник

Официјалното отворање на шестото издание на Црногорскиот собор „Во срцето на Граово“ беше пропратено со церемонија на водосвет и осветување на знамињата на сите шест општини во околината, јавува Zapadno.com.

Во овогодинешното издание на манифестацијата за прв пат беа осветени знамињата на општините во околината на градот Перник. Според идејата на организаторите на Црногорскиот собoр, беа осветени знамињата со грбовите на општина Брезник, општина Трн, општина Радомир, општина Перник, општина Земен и општина Ковачевци.

Пред осветувањето знамињата беа донесени на сцената од младинци во народни носии. На бината се одржа водосветот и осветувањето.

Меѓу официјалните гости на соборот беа министерот за земјоделство и храна, замениците министри за земјоделство и храна, градоначалникот на општина Радомир, заменици-градоначалници на општините во Перничкиот регион, претседателот на здружението „Обединети бугарски сточари“ Бојко Синапов и др.