ЗАЕВ ГО ОБЈАВИ МОЖНОТО РЕФЕРЕНДУМСКО ПРАШАЊЕ И ЗАКАЖА НОВА ЛИДЕРСКА СРЕДБА НА БАРАЊЕ НА МИЦКОСКИ
Премиерот Зоран Заев по синоќешната лидерска средба соопшти дека референдумското прашање би можело да биде: Дали сте за членство во ЕУ и во НАТО со прифаќање на Договорот меѓу Република Македонија и Република Грција? Тој по барање на претседателот на ВМРО-ДПМНЕ, Христијан Мицкоски закажа уште една лидерска средба, но овој пат, на четирите најголеми политички партии. Според Заев претстојниот референдум треба да биде консултативен. Тој изрази разочарување што лидерот на ВМРО-ДПМНЕ Христијан Мицкоски ја напушти средбата само еден час по почетокот и го определи неговиот потег како несериозен, неодговорен и навредлив.
