ЗАЕВ И БОРИСОВ ЗАЕДНО ЌЕ СЕ ПОКЛОНАТ ПРЕД ВЕЧНОТО ПОЧИВАЛИШТЕ НА СВЕТИ КИРИЛ ВО РИМ
Македонска владина делегација начело со премиерот Зоран Заев, заедно со претставници на Македонската православна црква и Римокатоличката Црква во Македонија, денеска и утре ќе престојува во официјална посета на Република Италија и Светата Столица по повод манифестацијата „Македонија во чест на св. Кирил“. Во Базиликата „Свети Климент“ македонската и бугарската владина делегација, предводена од бугарскиот премиер Бојко Борисов заедно ќе положат цвеќе на гробот на св.Кирил. Македонската делегација ќе положи венци цвеќе и на споменикот св. Кирил и Методиј во Амбасадата на Република Бугарија, каде премиерите Заев и Борисов ќе имаат заеднички ручек. Македонската и бугарската владина делегација ќе присуствуваат на отворање на заедничка културно – уметничка програма, организирана од министерствата за култура на двете земји.
