Министерот за надворешни работи Никола Димитров, денеска и утре во Њујорк, ќе се сретне со министерот за надворешни работи на Грција, Никос Коѕијас, во присуство на личниот пратеник на Генералниот секретар на Обединетите нации, Метју Нимиц. Ставот на македонската Влада дека предлогот Република Илинденска Македонија е најприфатлив за конечно решение останува непроменет. Грчката страна, пак, го отфрли предлогот и јасно стави до знаење дека преговорите треба да се одвиваат врз основа на четирите имиња од пакетот – предлози од Нимиц. Потсетуваме дека предлогот Република Илинденска Македонија беше издвоен како најприфатлив од страна на премиерите Зоран Заев и Алексис Ципрас, кои се сретнаа минатата недела на маргините на Самитот ЕУ-Западен Балкан во Софија.
