ЗАЕВ ОД ЊУЈОРК: ОЧЕКУВАМЕ ПОЗИТИВНА ОДЛУКА ЗА ПОЧЕТОК НА ПРЕГОВОРИТЕ СО ЕУ

/

Премиерот Зоран Заев веднаш по пристигнувањето во Њујорк, каде што ќе учествува на 74. Генерално собрание на Обединетите нации, присуствуваше на вечерата што за шефовите на држави и влади на земјите од Западен Балкан, ја приреди високата претставничка за надворешна работи и безбедносни политики и заменик претседател на Европската Комисија Федерика Могерини.

Премиерот Заев на вечерата во мисијата на Европската Унија во ОН, истакна дека само неколку недели остануваат до октомврискиот самит на Европскиот Совет, кога за Македонија се очекува позитивна одлука за започнување на преговори со ЕУ, соопшти владината прес-служба.

Во разговорот за време на вечерата, Заев истакна дека ова е клучен период за нашата земја и дека сите напори се фокусирани на тоа да се задржи позитивниот дух кај сите земји членки на ЕУ за поддршката за Северна Македонија да ги отвори преговорите со Унијата.

По добивањето на кандидатскиот статус за членство во ЕУ во 2005 година, низата на последователни позитивни препораки од Европската Комисија и афирмативните заклучоци на Европскиот Совет во 2018 и 2019 година, како и заради остварените и признаени резултати, Северна Македонија е подготвена да ги започне преговорите со ЕУ без натамошно одлагање.

Стартот на преговорите ќе биде успех и на Македонија и на ЕУ, како резултат на заедничките остварувања за време на предпристапниот процес, нагласи премиерот на вечерата со Могерини и шефовите на владите на земјите од Западен Балкан.



Учеството на владината делегација на 74-тото Генерално собрание на ОН, официјално започнува денеска со учеството во работата на самитите посветени на климатските промени и на универзална здравствена заштита.

Извор: Поглед

Претходна статија

АРЦЕЛОР МИТАЛ ГО ПРЕДИЗВИКАЛ ЗАГАДУВАЊЕТО НА РЕКАТА ВАРДАР И ПОМОРОТ НА РИБИТЕ

Следна статија

НАЈЧЕВСКА ЗА ЛИЛЕ СТЕФАНОВА: ТОА Е ТАА ИСТАТА КОЈА ГО ПРИТВОРИ И ОБВИНИ КЕЖАРОВСКИ

Најново од Вести

Ковачев: На местото на спомениците на окупаторската Црвена армија во Софија и во Пловдив да се постават споменици на Левски, Ботев, Гоце Делчев, Тодор Александров и Ванчо Михајлов

Бугарскиот европратеник од редовите на ГЕРБ-СДС Андреј Ковачев, даде интересна идеја за тоа што треба да