Заев: Успешните економски политики даваат резултати, историски раст на БДП, просечната плата расте

Премиерот Зоран Заев, денеска на Фејсбук се „пофали“ со економијата, за која кажа дека бележи историски раст на Бруто домашниот производ од 13,1% во вториот квартал.

„Инвестициите, вработувањата и повисоките плати го менуваат животот на подобро. Владата продолжува со посветена работа и добри економски политики за подигнување на животниот стандард.

Економијата бележи историски раст на Бруто домашниот производ од 13,1% во вториот квартал. Просечната нето-плата во државата континуирано расте и истата по вработен, во јуни 2021 година, изнесува 28.744 денари, што е за 7%, односно за 1.877 денари повеќе во однос на јуни минатата година. Бележиме историски најниско ниво на стапката на невработеност од 15,9% со тенденција таа дополнително да се намали до крајот на годината.

Успешните економски политики даваат резултати!“, напиша Заев.

Извор: Zoom. mk