Започнува второто издание на меѓународниот фестивал „Кракра џез“ во Перник
Започнува вториот меѓународен фестивал „Кракра џез“ во Перник, соопшти општинската администрација цитирана од БТА.
На музичкиот настан кој ќе се одржи денеска и утре на истоимената тврдина, влезот е слободен. На него ќе учествуваат добитници на Греми, реге ѕвезди и една од најоригиналните женски артисти кои се појавија на светската џез сцена во последните години.
Вечерашната концертна манифестација ќе започне во 21:00 часот со настап на грчката џез ѕвезда Lia Hide работена со најдобрата светска басистка Ида Нилсен и кралицата на џезот во Аргентина Karen Souza.
И канадскиот бенд The Shuffle Demons ќе биде дел од второто издание на „ Кракра џез “ во Перник. На првиот ден од фестивалот ќе учествуваат и живи легенди на реге музиката Блек Ухуру.
Утре во 19:00 часот на фестивалската сцена ќе настапат Hilarious Disastres и белгиската група KermesZ à l’Est.
Дел од „Кракра џез“ ќе биде и Кубинката Jany McPherson – еден од најоригиналните изведувачи што последниве години се појавил на светската џез сцена. Веднаш потоа Estudiatina Ensemble ќе ја претстави својата традиционална Естудијантина од сончевата Куба.
Програмата на вториот ден од музичкиот настан ќе продолжи со Јамајканецот Brushy One String. Фестивалот ќе го затвори Jambalaya Blues Band од САД.
Првото издание на фестивалот „Кракра џез“ се одржа во август минатата година и наиде на голем интерес кај љубителите на музиката од Перник и другите населени места во државата.
Музичкиот настан го организира Фондацијата „Култура Перник“ со помош на општинската администрација.
Фото: БНР
