Здружението „Бугарка“ од Чикаго го прослави шестиот роденден со добротворна гала вечера

Здружението „Бугарка“ во Чикаго го одбележа својот шести роденден со свечена добротворна гала вечера, соопштија од организацијата на својата официјална страница на Фејсбук.

Средствата за следнaта донација за Бугарија, која ќе биде испратена во ноември 2025 година, веќе се обезбедени. Од здружението нагласуваат дека луѓето на кои им е потребна помош никогаш не недостасуваат и затоа нивната хуманитарна кампања продолжува.

„Нашите срца се исполнети со благодарност кон сите организации и луѓе што присуствуваа и ни поверуваа дека заедно сме сила! Не е нужно да се обединиме, туку едноставно да не се делиме и да си помагаме, за да гледаме напред и да правиме добри дела заедно!“, порачаа од „Бугарка“ во САД.

Сосновачката на здружението, Емилија Иванова, е меѓу номинираните за годишните награди на Извршната агенција за Бугарите во странство „Бугарка на годината – Света Злата Мегленска“ за 2024 година. Номинацијата пристигна од Културниот центар „Булгарика“ во Чикаго. Иванова веќе со години ја обединува бугарската заедница преку културни настани, добротворни иницијативи и партнерства со бројни организации во татковината.

Во гала вечерта учество зедоа бугарската пејачка Соња Мембрењо, диџеј Matti и пејачот Стефан Илчев – победник во седмата сезона на шоуто „Како две капки вода“.

Екипата на здружението изрази благодарност и до генералниот конзул на Бугарија во Чикаго, Светослав Станков, кој се приклучи на хуманитарната кауза.