Зеленски: За нас, важно е Кина да не ја поддржува Русија, тоа ќе предизвика трета светска војна
Украинскиот претседател Володимир Зеленски изјави дека е важно Кина да не ја поддржува Русија бидејќи, додава тој, здружувањето на тие две земји би довело до нова светска војна.
„За нас, важно е Кина да не ја поддржува Русија во оваа војна. Всушност, посакувам Кина да беше на наша страна. Во моментот, сепак, верувам дека тоа не е можно“, изјави Зеленски за германски „Велт“, пренесува „Ројтерс“.
Тој рече дека сè уште гледа можност за прагматичен пристап на Кина кон она што се случува во Украина.
„Ако Кина ги здружи силите со Русија, тоа би било трета светска војна, сигурен сум дека Пекинг е свесен за тоа“, истакна Зеленски, пренесе „Блиц.рс“.
