(Видео) Перев: Главната поента на демонстрацијата во Благоевград е Вапцаров да се претстави како Македонец патриот и поет, а царот Борис и Ванчо Михајлов како соработници на фашистите

„Медиумите во Скопје опширно го коментираа тоа што се случи. Не се работи толку за провокации колку за тензија, за присуство на полиција. Но, ништо посебно не можеше да се види од материјалите снимени од камерите на медиумите“, изјави новинарот Владимир Перев за бугарската Нова телевизија, во одговор на прашањето како медиумите во РС Македонија известувале за вчерашното отворање на т.н. македонски клуб „Никола Вапцаров“ во Благоевград, Бугарија.

„Основата на она што се случи е како германско-австриската шега, за тоа како Германците се обидуваат да се преправаат дека Хитлер е Австриец, а Моцарт е Германец. Исто е и овде. Целта е Вапцаров да се претстави како Македонец, патриот и поет, а цар Борис и Ванчо Михајлов, да бидат претставени како соработници на фашистите. Ова е главната поента на демонстрациите“, додава Перев.