Во Свиштов започнаа настаните поврзани со одбележувањето на годишнината од раѓањето на големиот Алеко Константинов

Во бугарскиот град Свиштов започнаа активностите поврзани со чествувањата на 160-тата годишнината од раѓањето на големиот бугарски писател и патеписец Алеко Константинов. Настаните започнаа со отворен час на тема „Алеко и туризмот“, кој го презентираа вработените во Историскиот музеј – Свиштов и матуранти од Професионалната државна трговска гимназија, соопштија организаторите.

Четвртоодделенците од сите Свиштовски училишта први го добија специјалниот општински весник посветен на 160-годишнината од раѓањето на Алеко Константинов. Јубилејното издание се состои од десет страници, на кои се објавени биографски податоци за писателот и неговото творештво, како и љубопитни информации за неговиот роден дом, фондацијата што го носи неговото име и други факти и настани поврзани со него.

Историјата на Меѓународниот натпревар за краток хумористичен расказ „Алеко“ исто така е опишана во изданието каде е објавен и расказот на Иван Шопов од Република Северна Македонија, кој е лауреат на натпреварот за 2022 година.

Во изданието се претставени и двајца истакнати преродбеници поврзани со Свиштов – Цветан Радославов и Александар Божинов. Причината е што во тековната 2023 година се навршуваат 160 години од раѓањето на Цветан Радославов – авторот на бугарската национална химна и 145 години од раѓањето на основоположникот на бугарската карикатура Александар Божинов.

Изданието ќе се доставува бесплатно во рамки на настаните од програмата на Алековите празнувања, прецизираат организаторите.