Зеленски доаѓа во Бугарија- во центарот на Софија се воведени вонредни безбедносни мерки

Украинскиот претседател Володимир Зеленски утрово пристигнува во Бугарија. Со владин авион ќе слета во Софија. Бугарскиот премиер Николај Денков ја потврди информацијата. Според него, Зеленски се очекуваше да пристигне во 10 часот бугарско време.

Во центарот на Софија има вонредни безбедносни мерки. Полициски екипи се распоредени на секои 100 метри пред булеварите „Брисел“ и „Цариградско шосе“, од каде вообичаено се движат официјални делегации.

Според податоците од апликацијата flightradar24, владиниот авион Ербас А-319 полетал од Софија во 7 часот и 12 минути и слетал во главниот град на Молдавија Кишињев нешто по 08:00 часот по бугарско време.

Авионот се очекува да слета на аеродромот во Софија во 10.50 часот.

Посетите на Зеленски секогаш се следат внимателно и се чуваат во тајност до последен момент поради безбедносни причини. Често се случува неговата програма да се промени во последен момент.

Ова е 17-та посета на украинскиот претседател во странство од почетокот на војната. Неговата прва официјална посета беше на САД на 22 декември минатата година. Зеленски бил во вкупно 13 земји на три континенти.