Пожарот во Националниот парк „Рила“ ставен под контрола на западниот фронт

Западниот фронт на големиот пожар во Националниот парк „Рила“ е ставен под контрола. На терен и понатаму работат десетици пожарникари, вработени во паркот и доброволци.

Според комесар Валентин Василев, регионален директор на РСПБЗН, пожарникарите успеале да изградат над еден километар водена линија токму на западниот фронт, кој бил најкритичен. „Пожарот таму е ставен под контрола“, изјави тој. Во текот на целиот ден на терен била ангажирана и тешка механизација за проширување на просеките, со цел да се спречи повторно разгорување на огнот.

Во моментов се работи на изградба на заштитна линија и на јужниот фронт. Засега пожарот е ограничен од сите страни, но теренот останува исклучително тежок – карпест, сув и со лесно запалива вегетација на надморска височина од 2.100 метри.

Утре рано наутро акциjaта за целосно совладување на пожарот во заштитената територија ќе продолжи, а преку ноќта ќе останат дежурни екипи за надзор.