| | |

Пред 128 години во Варна пристигнал „Надежда“, првиот бугарски воен брод што пловел по Атлантикот и Средоземното Море

На 18 ноември 1898 година, по пловидбата од францускиот град Бордо, бродот за обука „Надежда“ се закотвил пред дворецот Евксиноград кај Варна. На палубата се качил кнезот Фердинанд со својата придружба, а бродот потоа отпловил за Бургас, каде што бил свечено осветен, јавува Армимедија.

Бродот „Надежда“ бил изграден во бродоградилиште во Бордо и спуштен во вода на 21 септември 1898 година. Негов прв командант бил францускиот капетан Пол Пишон, тогашен началник на бугарската флота.

На патот кон Бугарија, „Надежда“ станал првиот бугарски воен брод што ги посетил пристаништата во Лисабон и Алжир. Пловидбата продолжила преку грчкото пристаниште Патрас и Коринтскиот Канал до Дарданелите. Таму екипажот морал да почека додека бугарската дипломатија обезбедила дозвола од османлиските власти за минување низ Босфорот. Бродот во тоа време сè уште бил невооружен.

На „Надежда“ бугарските офицери и морнари стекнувале практично искуство во навигација и пловидба на долги растојанија. За време на Балканската војна, бродската радиостаница и крајбрежната станица „Франгата“ ги попречувале противничките радиоврски. Во Првата светска војна бродот учествувал во одбраната на Варна. Неговата служба завршила кон крајот на војната, кога бил задржан во Севастопол.

Во Военопоморскиот музеј во Варна денес е изложен модел на „Надежда“, изработен во 1897 година во истото бродоградилиште во Бордо.

Слични Објави